الجوكركلماتكلمات اغنيةكلمات تراك
كلمات اغنية الاب – الجوكر كاملة مكتوبة 2021
ملحوظة : اذا تم توجيهك الى موقع اخر غير موقع التحميل قم بالرجوع مرة اخرة واضغط على رابط التحميل وسيتم توجيهك الى موقع التحميل الحقيقي
فى هذه المقالة اقدم لحضراتكم كلمات تراك الجوكر الأب كامل مكتوب 2021
الكلمات:
لحظة ماتولدت وشالك بين ايديه
وتامك بعينيه
وقف العالم حواليه
اول صورة بريئة ليه شافها فيك
ايد الضلمه الي في عالمنا لسه مااتمدش ليك
وبدأت تكبر وحبه ليك بيكبر
يوم عن يوم حاجه منه فيك بتظهر
انت عنده اولي منه لانه
عازك تكون احسن من كل الناس ومنه
وانتي من صغرك شقاوة الدنيا فيكى
يبص لماما تلفى وشه ليكى
وتيجى لو زهقانة عشان مفيش اطفال فى سنك
تقولى العب معايا يقلب طفل اكتر منك
اول يوم حضانه مسكتى فيه سابك بصعوبة
لانه كان مرعوب اكتر ماكنتى انتى مرعوبة
لدرجة انه كان هيرجع ياخدك لولا مامتك
معاكى بيحسبها بقلبه دايما مش بالمنطق
وانت اتاثرت فى اعدادية بكام واحد زميلك
فطلبت منه يسيبك عيب يوصلك ويجيبك
قدر حكم السن واداك الحرية
راقبك عشان يطمن انك قد المسؤولية
مكانش غاوي يقولك ذاكر كل شوية
كان عايزك ترتاح كل السنين الجاية
مع ذلك اما زعلت علي كلية ماجبتهاش
حضنك وقالك يابني العالم مانتهاش
كبرت واتغيرت وخدت منه ركب بعيد
بقي بينكم سور وكل يوم يزيد
لا عدت قادر تسمع منه ولا من باب الود
لا عاد هزاره يضحك ولا حكايته تشد
لكن دي مش مشكلته
ده سنة ودى تجربته
عشان يفضل مصاحبك عمل كل الي في مقدرته
وصلت انه يركز اما شباب تهزر جنبه
عشان يفتح معاك كلام بشكل تبقي حابه
مع اول عريس حس بقبولك ليه
اتخض كانه فاكر ان اليوم ده لسه بعيد
حس البيت هيفضي لا الحياة هتفضي
لسه شايفك طفلة كان عايزاها تفضل
غار فاتحجج واتشرط واتلكك
وفك لما اتاكد انك حبتيه وحبك
عايز مصلحتك حتي لو مش ده المتشاف
محدش خاف عليكي قد ماهو خاف
فاضل علي يوم جوازك شهر او اقل
لسه نص جهازك والقرض اخر حل
كمل بيه اللي ناقص
مفيش حاجه استكترها
قالك نطمن عليكي بس وهندبرها
والدنيا خدتك بعد الجواز كترت مشاغلك
كل فين وفين بتفضي تزوري اهلك
وهو بدل مايقولك ليه مابتسأليش
يقولك لو احتاجتي حاجه قولي ماتتكسفيش
وانت الظروف اضطرتك تسافر
مكانتش ماشية معاك هناك لكن بتعافر
مامتك توفت وهو بطوله صبر
ولما رجعت بعد سنين لقيته كبر
كبر بجد بقي بينسي ومحتاج لحد
بفكرة بعلاج السكر والشريان اللي اتسد
لقاك حزين عليه وندمان لانك سبته
ضحك وقالك شفت ابوك احلو ازاي في شيبته
